深秋窮遊山西、河北28天（全公交）

chuchu · 發表於 2015-12-25 16:13:27

24/10 D4 太原~崛圍山

今次行程，對我倆嘅體力肯定係考驗，如果細心睇下我地嘅行程，會發覺由D3-D8都要行山
（搞乜編成咁呀？

又做乜咁博呢？

）

主因當然係遲左兩個禮拜出發啦！（無計，瑣事纏身囉）

其次係想睇秋景嘛！希望趕到一兩個景點都好吖！

第三、本已知綿山無秋景啦！但又要趕喺29/10前到景區，因為綿山1/11開始進入淡季，
雖然門票平D，但區間車停駛，咁就好唔方便啦！

喺厘三大條件下，平時少行山嘅倆老，唯有帶定舒筋活絡油舒緩下囉！
原計劃係去太行山大峽谷兩天嘅，點知入冬無團，集散中心話結冰危險，唯有改去崛圍山啦！

吹完水，再講下太原巴士以火車站為站名嘅車，必須睇清括號後面嘅名，
列如（華苑賓館）（國防賓館）（北倉大廈）（汽車站南門）等，實際位置唔係火車站，
而係附註嘅賓館/大廈門口，只係厘D地點好近火車站啫！
寫咁多，怕悶親大家，不如上幾張崛圍山嘅相醒醒神先再講啦！

登錄/註冊後可看大圖

廢話少說，出發啦！

我倆到附近（華苑賓館）門口搭615路，本應轉12支到呼延村招呼站落車就最近嘅！
點知架12支塞滿人，再睇站牌，835都可以，不過一個係招呼站，一個係呼延村站，
就係無呼延村招呼站(玩野呀

)，好少理，上車先算！好彩問下當地人，
原來要喺招呼站落車，當日係周末，前面年青人嘅裝扮一定係去行山，
再睇埋GPS，實無錯啦！點知由落車行到崛圍山景區口都要35分鐘，
途經12支巴士站，相信行少20分鐘啦！
我地搭835落車向車頭方向直行，見到呼延村牌坊就轉入

登錄/註冊後可看大圖

直行至有岔路，依紅葉山莊指示方向前行（左邊），直走到崛圍生態園及公廁
（如果公廁人多，行上D有個俾五毫子嘅唔使排隊）。

登錄/註冊後可看大圖

厘座水道橋（我估咋）好完整，好正！

登錄/註冊後可看大圖

細心睇下，D人多過旺角，皆因崛圍山交通方便，距太原市西北只有24公里，
景區又大又靚，最重要係免費嘛！朋友們厘個時候去，千祈唔好揀周六、日呀！

登錄/註冊後可看大圖

雖然今日天陰，但景色真係好靚，如果陽光普照就好啦！

登錄/註冊後可看大圖

從山上下望蓄水池（嘻！又係斷估）

除左天陰，山西嘅空氣真係差，成日沙塵滾滾，
能見度低，不過比起N年前，家家燒煤，空氣係黃色嘅時候好多啦！

登錄/註冊後可看大圖

附近停車場泊滿車

登錄/註冊後可看大圖

chuchu · 發表於 2015-12-25 16:20:27

本帖最後由 chuchu 於 2016-3-21 15:10 編輯

山頂上有始建於宋代嘅舍利塔

登錄/註冊後可看大圖

唔少扶老攜幼嘅家庭，黎享受郊遊樂。

登錄/註冊後可看大圖

到頂啦！環繞頂上嘅小小空間，都被小販佔據，因為只有厘度有飲有食，
所以人頭湧湧，我地兜左個圈就即走。

登錄/註冊後可看大圖

雖然我地遲左一星期，不過仍有遍山紅葉。（一個星期前咪好勁囉）

登錄/註冊後可看大圖

野生山楂一蚊袋，雖然細粒，好甜，團友一路行，一路食，都唔知幾滋味。

登錄/註冊後可看大圖

厘種果子叫沙棘，見人用黎浸酒。

登錄/註冊後可看大圖

通往山頂嘅路停滿黑車兜客落山

登錄/註冊後可看大圖

山頂上嘅多福寺（￥15），始建於唐代，由於喺五台山睇左好多佛寺，今日行山算啦！

登錄/註冊後可看大圖

除左多福寺，途中仲有兩座洞窟廟宇。（免費）

登錄/註冊後可看大圖

我地沿另一條路落山，沿途景色絕美。

登錄/註冊後可看大圖

厘個時候開始落微雨，仲有隊單車隊極速下山。

登錄/註冊後可看大圖

單車隊極速落斜轉彎，喺途人中穿插，睇到心驚膽顫。

登錄/註冊後可看大圖

雨勢漸大，眨下眼，山上遊客少左八乘（乜撤退得咁快嘅

）。

登錄/註冊後可看大圖

我地仍堅持步落山，雨景中嘅絢麗，一樣咁誘人（人少D，仲好啦！）

登錄/註冊後可看大圖

嗱！唔止我地行得開心，你睇佢地，直情開心到飛起啦！
（影得好痛快呢！等我幫你補番張啦！）

登錄/註冊後可看大圖

今早厘個上山位人山人海，而家已經16點啦！遊人只集中喺山腳入口。

登錄/註冊後可看大圖

行足一日，我地都走LU！

登錄/註冊後可看大圖

D4 完

大姐 · 發表於 2015-12-25 18:08:34

山西秋色不錯, 欣賞秋色又有新去處>

chuchu · 發表於 2015-12-26 01:54:08

大姐發表於 2015-12-25 18:08
山西秋色不錯, 欣賞秋色又有新去處>

多謝大姐支持！

山西自然和人文景觀都很豐富，有的交通算方便，不過需要較多的腳力，睇靚景嘛！還是值得的。

chuchu · 發表於 2015-12-26 01:59:56

本帖最後由 chuchu 於 2017-10-19 13:08 編輯

行完崛圍山，D5又出發LU！

25/10 D5 太原~龍山石窟

見網上話去龍山石窟交通偏遠，經實地試過，絕無難度，
且唔怕俾黑車宰割，大家可以放心去。

清晨食完早餐，出發到火車站（北倉大廈）搭308巴士，到西鎮站落車，向車尾行約百多米。

登錄/註冊後可看大圖

見有＜龍山風景區＞嘅石牌坊就轉入沿路上。

登錄/註冊後可看大圖

其實公路上亦有指示路牌

登錄/註冊後可看大圖

網上教路話經過龍山滑雪場，我仲以為具規模嘅活動場所，
原來只係幾隻字寫喺幅牆度，但唔見滑雪場。

登錄/註冊後可看大圖

繼續前行，（喂！行左定行右呀？）睇到左邊路牌嗎？

登錄/註冊後可看大圖

咪寫住龍山風景區囉！跟住行就無錯啦！

登錄/註冊後可看大圖

我懶行去右邊影啦！睇唔睇到？右邊係間水泥廠入口，如果行錯，去到水泥廠門口，
你都會返轉頭入左邊條路啦！（咪玩啦！腳骨力係要黎行景區架嘛！）
沿路上山，個心十五十六，一路上都唔見有人，今日係禮拜喎！

同崛圍山嘅人流有天壤之別呀！

登錄/註冊後可看大圖

開始見山邊有紅葉，掂啦！仲趕得切有靚景，無白來，雖然落住微雨，
個心都唔知幾雀躍呀！（之前怕無景睇囉）

登錄/註冊後可看大圖

嘩！使唔使咁靚呀！仲未入景區喎！

登錄/註冊後可看大圖

得一條路，厘埋眼直上就係啦！

登錄/註冊後可看大圖

厘個龍山農家樂人去樓空，淡季就係咁！

登錄/註冊後可看大圖

厘個窯洞可能門口賣飲品小食，而家都係無人。

登錄/註冊後可看大圖

終於到左龍門景區嘅停車場同售票處（入左景區先記得影相）（￥20）

登錄/註冊後可看大圖

一條路入丁香谷，2000米長嘅山谷，佈滿丁香花，春夏可以黎賞花啦！

登錄/註冊後可看大圖

龍山導覽圖

登錄/註冊後可看大圖

此山石窟屬道教，當然唔少得供番座老子（三清尊神之一嘅太上老君）。

登錄/註冊後可看大圖

厘條石階就係欣賞丁香嘅＜觀溝＞

登錄/註冊後可看大圖

chuchu · 發表於 2015-12-26 02:10:23

嘩！原來厘度不比崛圍山遜色，矚目所及嘅山頭，全佈滿色彩斑爛嘅紅黃綠，
顏色多變，最衰今日無陽光啦！

登錄/註冊後可看大圖

山頂建有道觀

登錄/註冊後可看大圖

最高處為玉皇大殿

登錄/註冊後可看大圖

背山景色優美

登錄/註冊後可看大圖

廟前有觀景台

登錄/註冊後可看大圖

唔夠高？可以再上一層樓。

登錄/註冊後可看大圖

對面山巔有座亭，一陣行去。

登錄/註冊後可看大圖

而家先去參觀石窟

登錄/註冊後可看大圖

唉！又係遇上一邊維修，果邊應該有個較大洞窟可以進入嘅！

登錄/註冊後可看大圖

有幾個睇下，好過無啦！不過上高位小心D。

登錄/註冊後可看大圖

佛像保存得算唔錯

登錄/註冊後可看大圖

由厘邊俯瞰周圍山頭，無不絢麗，陽光普照下應該有驚艷。

登錄/註冊後可看大圖

厘度仲設有遊樂場，照顧埋小朋友添！

登錄/註冊後可看大圖

360度遠眺，比崛圍山更壯觀。

登錄/註冊後可看大圖

難得有咁清幽嘅環境，繼續向第二個山頭進發。

登錄/註冊後可看大圖

到頂啦！

登錄/註冊後可看大圖

望番轉頭

登錄/註冊後可看大圖

開始沿路落山

登錄/註冊後可看大圖

無論行到邊，都係滿目紅葉，滿山秋色，秋冬出行就算落雨，
都唔會好大，所以無阻我地欣賞美景。

登錄/註冊後可看大圖

返到落黎，走LU！又漫遊一日，爽！

登錄/註冊後可看大圖

D5 完

chuchu · 發表於 2015-12-26 02:33:32

本帖最後由 chuchu 於 2015-12-26 02:34 編輯

太原崛圍山及龍山石窟資料：

～崛圍山全天免費開放
～乘12支路較近，在呼延村招呼站落，約步行15分鐘到景區；
乘835、826、833路在招呼站落，約步行35分鐘到景區。
（詳細路徑圖文請參考11#）

～龍山石窟開放時間為08:00-17:00，成人門票￥20，六十歲以上半票。
～乘308、310路，在西鎮站下車，步往景區約30分鐘。
（詳細路徑圖文請參考15#）

** 因山西各地巴士站名時有變動，網上站名經常與實際不符，
以上站名請自行現場核對清楚方好。

chuchu · 發表於 2015-12-26 22:47:09

本帖最後由 chuchu 於 2015-12-26 23:30 編輯

出發啦！

26/10 D6
太原~(K865; 07:50-09:42)介休~綿山(古藤谷~水濤溝)

今早要暫別太原，坐火車南下晉中嘅介休市啦！
因為一個月前已經喺網上訂好火車票，第一日到太原已經將太原出發嘅火車票攞哂，
食完早餐，可以輕鬆拉行理過對面搭07:50班火車。

十點未夠就到步啦！出介休火車站左側約百零米有公車站（千祈咪以為係大巴呀），
分別有去張壁、王家大院、綿山。。。等，綿山每小時一班，車程約30分鐘。

登錄/註冊後可看大圖

公車會在綿山入口前兩百米停站（就係厘個超市招牌旁邊）

登錄/註冊後可看大圖

落車就望到綿山景區入口，好方便。

登錄/註冊後可看大圖

綿山入口居高臨下

登錄/註冊後可看大圖

正中係介子推像

登錄/註冊後可看大圖

入口好有氣勢

登錄/註冊後可看大圖

個人認為綿山值得推薦，景區佔地40平方公里 , 屬5A級景點，
無諗過大得黎咁多野睇，我地住兩晚，除介公嶺外，細遊哂所有景點，真係行到腳軟呀！
建議要細遊嘅朋友，最好住三晚比較輕鬆。

綿山嘅旅遊服務屬中央管理(有D似烏鎮)，所有住宿交通，都在大堂統一辨理，
之前諗住喺網上預訂酒店，原來旺季必須透過電話聯絡再交款預訂，
淡季直情唔做，打電話去問，左推右搪，打完幾通電話，
答案係:你到嘅日子好多酒店停業，要walk in，(最平標房幾錢一晚?) ( ￥380)，
算啦！反正要walk in，去到再算啦！
大堂都有氣勢喎！可想而知旺季時嘅虛冚。（不過此刻得我倆）

登錄/註冊後可看大圖

先到旅遊柜位訂房（請問臥龍賓館標房最平宜多少？）（￥280）
（有沒有其他賓館平一點的？）（最平宜啦！）（那我多住一晚，能平一點嗎？）（￥260）
呵呵！得米！成交！

登錄/註冊後可看大圖

服務員寫左張紙俾我，叫我去交錢同買門票。
佢話喺度住門票半價(￥110)，老少劃一，跟住講左一大堆數目，包括保險、
區間車(￥50任坐)，共付￥520/2人（唔理啦！佢話幾多咪幾多囉！反正黎到啦）

登錄/註冊後可看大圖

原來厘度係用儲值卡，先付押金，所有食住消費，全部用卡，
厘張就係5日有效嘅門票兼電子錢包啦！每人一張，離開時對數退餘款。
（俾得5日你，可想而知景區有幾大啦）

登錄/註冊後可看大圖

厘個寄存服務係方便玩一天嘅遊客（見網上好多本地一天遊架）

登錄/註冊後可看大圖

搞掂哂，去搭區間車囉！

登錄/註冊後可看大圖

乘區間車閘口

登錄/註冊後可看大圖

chuchu · 發表於 2015-12-26 22:52:16

本帖最後由 chuchu 於 2015-12-26 23:47 編輯

首程由旅遊中心到第一個景點＜龍頭寺＞有好幾公里嘅山路，司機叫我地落車再轉車。

登錄/註冊後可看大圖

跟住都係坐厘類車到臥龍賓館

登錄/註冊後可看大圖

我地住嘅酒店位於中心地帶

登錄/註冊後可看大圖

去到攞房，再俾多￥400/2晚押金，連剛才付嘅￥520，兩卡內面值共920。

登錄/註冊後可看大圖

面對朱家凹景區，環境同位置都唔錯。

登錄/註冊後可看大圖

酒店屬井形設計

登錄/註冊後可看大圖

天井透光之餘，仲將外面嘅山景引入。

登錄/註冊後可看大圖

唉！真失敗，無影到房間添！OK嘅！唔算細，掛三星，當二星啦！
（當然有更豪華嘅四星酒店，不過又係當三星好啦）
放低行理，食過自備燒雞同即食麵（睇網友話厘度淡季難搵食）,
出酒店門口搭車到最尾嘅景點＜水濤溝＞，水濤仙谷賓館門前係車站。

登錄/註冊後可看大圖

先去古藤谷

登錄/註冊後可看大圖

然後入水濤溝

登錄/註冊後可看大圖

水濤溝好長，本來幽谷景色唔錯，但人做景過多,反覺畫蛇添足！

登錄/註冊後可看大圖

厘個位旺季坐喺度用自己相機影相都收5蚊，而家無人，請隨便坐！

登錄/註冊後可看大圖

今早落過雪，雖然陽光普照，但照唔到谷內，而家仲有D雪。

登錄/註冊後可看大圖

我地沿溪谷前行（又包場，部份酒店梗要停業啦！）

登錄/註冊後可看大圖

chuchu · 發表於 2015-12-26 22:57:28

水濤溝沿溝深入到水簾洞，沿途都有景觀，我地來回用左四小時。

登錄/註冊後可看大圖

中途仲有個戲台，唔知旺季係咪有表演呢？

登錄/註冊後可看大圖

間中亦有山峰之類景觀介紹

登錄/註冊後可看大圖

溝中間歇築棧道架於溝上

登錄/註冊後可看大圖

經常見左右兩邊有棧道，估計係旺季時規定一出一入，以策安全。

登錄/註冊後可看大圖

因為係早上落嘅雪，越深入，地上嘅雪反映無乜人入過黎。

登錄/註冊後可看大圖

終於到水簾洞啦！

登錄/註冊後可看大圖

		自動登錄	找回密碼
密碼			立即註冊